Home »
» នាយ ពែកមី ហ៊ានបោះសម្ដីដាក់ នាយក្រឹម និង នាយកុយ ដល់ថ្នាក់ហ្នឹងផង!
នាយ ពែកមី ហ៊ានបោះសម្ដីដាក់ នាយក្រឹម និង នាយកុយ ដល់ថ្នាក់ហ្នឹងផង!
ប្រភពពីៈ ប្រជាប្រិយ
តារាកំប្លែងកំពុងមានឈ្មោះបោះសំឡេងទូទាំងប្រទេស ចែម ចាន់តារា ហៅ នាយ ពែកមី បានទាញយកប្រជាប្រិយភាពពីទស្សនិកជនស្ទើរតែទាំងស្រុងតាំងពីលោកចូលសិល្បៈដំបូង ហើយទន្ទឹមនឹងនោះចាប់តាំងពីលោកឈានជើងចូលសិល្បៈអស់រយៈពេលជាច្រើនឆ្នាំមកនេះ តារាកំប្លែងជើងចាស់ហាក់ដូចជាមិនសូវលេចធ្លោដូចពីមុនទៀតឡើយ។
បើទោះបីជាបច្ចុប្បន្នក្រុមកំប្លែងនាយពែកមី ដែលដឹកនាំសម្ដែងដោយលោក សុវណ្ណ រិទ្ធី ហៅ លោក តាវិចទ័រ បានលេចធ្លោល្បីខ្ចរខ្ចាយទូទាំងប្រទេសក៏ពិតមែន ប៉ុន្ដែតារាកំប្លែងសម្បូរដោយសំនួនវោហារ នាយ ពែកមី មិនដែលភ្លេចកំណើតដើម និង មើលរំលងតារាកំប្លែងជើងចាស់ដែលមានឈ្មោះល្បីដូចជា នាយក្រឹម និង នាយកុយ នោះឡើយ។
ជាក់ស្ដែងមុននេះបន្តិច តារាកំប្លែងកំពុងជោគជ័យខ្លាំងក្នុងអាជីពជាអ្នកសិល្បៈ នាយ ពែកមី បានបង្ហោះសារមួយឃ្លានៅលើបណ្ដាញសង្គមហ្វេសប៊ុកជូនដល់សិល្បករជើងចាស់ដែលមានអាជីពដូចគ្នា នាយក្រឹម និង នាយកុយ ថា «ទោះដូចពាក្យចាស់ថា រលកក្រោយច្រានរលកមុខ តែពួកគាត់នៅតែជាអ្នកមានគុណ និង ជាគ្រូរបស់ខ្ញុំជានិច្ច បើគ្មានពួកគាត់ ខ្ញុំក៏គ្មានថ្ងៃនេះដែ»។
សារនេះខ្លីក៏ពិតមែន ប៉ុន្ដែពាក្យសម្ដីដែលពោរពេញដោយការគោរពរបស់តារាកំប្លែងកំពុងឡើងកូដខ្លាំង នាយ ពែកមី បានធ្វើឱ្យមហាជនជាច្រើនកោតសរសើរដល់ទឹកចិត្តចេះឱនលំទោន និងផ្ដល់តម្លៃដល់សិល្បកររៀមច្បងនេះជាខ្លាំង៕ BeBe
0 comments:
Post a Comment