សុខ សុម៉ាវតី តារាសម្តែងមានប្រជាប្រិយភាព និងមន្តស្នេហ៏មិនធម្មតាដែលមហាជនទូទៅ ដឹងយ៉ាងច្បាស់ថារូបនាងនិង ស្វាមីកូនអ្នកធំឈ្មោះទូច ដាណារ៉ា ហៅពេជ្រ បានលែងលះគ្នារួចរាល់ហើយនោះ បែរជាយូរៗម្តងពួកគេជួបគ្នាយ៉ាងសិទ្ធិស្នាលដូចគ្មានអ្វីកើតឡើង ។ ពោលគឺដូចជាស្វាមីភរិយាមិនបែកបាក់គ្នានោះឡើយ ពួកគេមានភាពល្អុកល្អិនយ៉ាងខ្លាំង។
អ្នកសារព័ត៌មាន បានឃើញតារាសម្តែងរូបនេះកាលពីពេលថ្មីៗនេះជួបគ្នាក្នុងហាងផឹកស៊ីមួយឈ្មោះ ” វិចិត្រសម្បត្តិ ” ពួកគេជួបគ្នាសប្បាយរីករាយ ធ្វើឲ្យភ្ញៀវក្នុងហាងងឿងឆ្ងល់គ្រប់ៗគ្នា។ ពីមុនគេធ្លាប់តែឮពាក្យថា មិត្តភាពអាចក្លាយជាស្នេហាតែស្នេហាមិនអាចក្លាយជាមិត្តភាពទេ។ ប៉ុន្តែឥឡូវនេះ តើពួកគេអាចធ្វើបានមែនឫ ពីស្នេហាមក ជាមិត្តភាពនោះ ? ឫមួយក៏ពួកគេពុំទាន់ដាច់ស្រេច ?
គេនៅចាំបានថា កន្លងមកថ្មីៗនេះ សុខ សុម៉ាវតី្តបានប្រកាសច្បាស់លាស់ថា នាងបានលែងលះស្វាមីដាច់ស្រេចហើយ ។ ហើយក្រោយពីការប្រកាសមួយរយ:ក៏មានព័ត៌មានថា នាងត្រូវលោកផ្កាយ២ ដ៏មានអំណាចម្នាក់ តាមត្រងស្នេហ៏ និងធានាស្អំបេះដូងរបស់នាងឲ្យមានកម្ពៅសាជាថ្មី ហើយវត្តី ក៏បានបើកភ្លើងខៀវឲ្យលោកធំផ្កាយ២នោះដែរ។ តែពេលនេះ វត្តី បែរជាធ្វើឲ្យលោកផ្កាយ២នោះ ស្រឡាំងកាំងវិញម្តង តាមរយ:ការណាត់ជួបប្តីចាស់មកផឹកស៊ីកណ្តាលរាត្រីយ៉ាងសប្បាយរីករាយ ដូចកាលនៅត្រូវរ៉ូវគ្នាអីចឹងដែលដំណឹងនេះប្រាកដជាធ្វើឲ្យលោកផ្កាយ២នោះមិនសប្បាយចិត្តឡើយ ព្រោះតែខ្លាចវត្តី វិលត្រឡប់ទៅជួបជុំអតីតប្តីវិញ នាំឲ្យស្តាយស្នេហ៏អ្នកមេម៉ាយដ៏ផូរផង់នេះ។ ប៉ុន្តែយ៉ាងនេះក៏ដោយ គេសរសើចិត្តនាងទៅវិញទេ ការទៅជួបអតីតប្តីនោះគឺត្រូវបានអ្នកសិទ្ធិនាង និយាយថាមិនមែនទៅបង្កាត់ភ្លើងស្នេហ៏ជាថ្មីនោះទេ។ ពោលគឺនាងធ្វើបែបនេះ គឺដើម្បីកូនស្រី៤ឆ្នាំ របស់នាងដើម្បីបានជួបប៉ារបស់គេផង និងបំពេញកាព្វកិច្ចលើផ្លូវច្បាប់ក្នុងការឲ្យកូនជួបឪពុករបស់នាងដោយសេរី ប្រសិនណាសុម៉ាវតី្តជាអ្នកគ្រប់គ្រងកូន ។ ពិសេសម្យ៉ាងទៀតនោះ គឺពួកគេធ្វើជាល្ខោនស្និទ្ធស្នាលកុំឲ្យកូនស្រី ដឹងថាឪពុកម្តាយគេលែងលះគ្នា អាចធ្វើឲ្យខូចផ្លូវចិត្តដល់កូនផងដែរ ។ ដូច្នេះប្រសិនបើអ្នកដែលមានស្នេហ៏ពីនាងក៏ដូចអតីតស្វាមីនាងក៏គប្បីយល់អំពីចំនុចទាំងនេះផងដែរ ។
0 comments:
Post a Comment